英格兰球坛出名多坏孩子，伯明翰教头保耶最响朵之作，梗係2005年效力纽卡素时对维拉场波，因为队友戴亚唔传波畀佢，初则口角继而动武，结果齐齐被逐，成为英超最经典嘅「自相残杀」一幕。
保耶朗尼带波玩守字诀
至于打比郡主帅朗尼，虽然係英格兰国家队史上士哥王，但佢嘅丑闻同样咁「坚」，挂咗靴出任领队亦唔叻，上季带领「绵羊」仅仅护级成功，今季开咧后，各项赛事7仗赢得1场咁大把，单计联赛5仗仅入4粒，依家排紧第15位，令人失望。
伯明翰虽然排名较高，但火力同样不济，各项赛事7战入咗8球，但其中5粒係来自对卢顿，其余6仗入得3球，当中近6仗有4次开半场和，就算借到屈福特前锋迪尼，攻力问题亦好难立即有改善，加上后卫奇治科斯坐波监，一定先做好防守。咁跷打比郡同样好此道，开季后5仗联赛，亦有4次开半场和，依家朗尼备受压力下，为保帅位相信唔敢轻举妄动，大家都斗稳阵，半场和有计。
