拜仁今季保持强势，唔单止联赛位居榜首，欧联首轮亦大炒巴塞隆拿3粒，以「罗拔佬」为首嘅锋线状态大勇，各项赛事近6仗赢晒之余，合共轰入34球，5仗开5球或以上，其中上轮狂数昇班球队波琴7比0，除咗1球係对手摆乌龙外，其余6球分别由5位球员取得，包括甘美治梅开二度，攻击点众多火力全开。
「罗拔佬」数胡贺拎奖
「罗拔佬」日前先领取上季欧洲金靴奖，佢跨季连续19场正式比赛为拜仁入波，共轰30粒，今场自然要入多几粒庆祝。反观格雷特霍夫昇班后5轮联赛仅得1和4负，共失13球，防线犹如不设防，点睇都顶唔到拜仁狂轰猛炸，既然客胜冇肉食，转捧中位数4.5球嘅入球大更佳。
