克罗地亚畀人印象係多波入，2018世盃决赛对法国输2比4，今夏欧国盃分组赛3比1击败苏格兰，其后于16强对西班牙加时负3比5，几场大战都出现入球骚，不过如果长追入球大肯定中招，皆因「格仔兵团」更多时喜欢叹慢板组织推进，再凭个人质素争取入球，佢哋近7场世盃外就有5次开2球或以下，都係入球细居多。
克罗地亚经过2018俄罗斯世盃亚军嘅高峰期，包括文迪苏杰等多位克罗地亚老将宣布挂靴，进攻火力难免受削弱，年届36岁嘅队长莫迪历今次获得重召，当锐嘅韦斯咸中场尼高拉华锡可能要退居后备。
塞浦路斯遇强缩住踢
塞浦路斯攻力疲弱，今届世盃外6仗仅入1球，该入球就係今年3月底主场爆大冷1比0击败斯洛文尼亚，至于作客克罗地亚仅输0比1，可见佢哋防线唔係太差，预计佢哋会缩后嚟踢，克罗地亚想入波唔係咁易，2.5球入球细好路。
