巴黎圣日耳门几名南美球星,包括美斯、尼马及迪马里亚等,因要出战世杯外南美洲区赛事,已经缺席上周五联赛,但PSG仍然凭丹尼路彭利拿同基利安麦巴比入波,以2比1反胜昂热。
今场美斯及尼马回归,养精蓄锐出击,虽然迪马里亚停赛,但「MNM」组合重现,球队实力暴升。美斯于上轮欧联对曼城射入世界波开斋,呢名阿根廷球王身经百战,已经4夺欧联冠军,PSG高薪邀请佢加盟,正正就系为咗一尝登上欧洲之巅滋味,不过呢支法国豪门分组赛暂时只得1胜1和,出线唔系想象中咁稳阵,所以今场主场出击,必然全力争取胜利。
RB莱比锡喺前教练拿高士文打造下,成为欧洲一股新力量,可惜呢位教头连同后防支柱乌柏美卡奴及队长沙比萨,今夏齐齐被拜仁撬走,因此莱比锡实力大不如前。不过,既然难得出席欧联舞台,当然唔会放软手脚任人鱼肉。莱比锡已经先后不敌曼城及布鲁日,今场再输嘅话,要出线就难上加难,所以点都要死砌!好彩佢哋攻力不俗,近7仗场场有波入,今场作客放开包袱同PSG斗攻,入波唔会少,一于捧入球大。