巴西喺今届外围赛表现超班，12战取得11胜1和，提早6轮出线，但要留意「森巴兵团」作客踢法比较保守，往往小胜收场，近5场世盃外有4场总入球系2球或以下，今场造访宿敌阿根廷，预料唔会冒进。
事实上，就算巴西上场主场对哥伦比亚，都要踢到71分钟，先至靠中场卢卡斯柏基达射入全场唯一入球，小胜1比0，更何况「森巴兵团」现时已稳夺出线席位，唔需要求胜，可以叹慢板比赛。
排第2位嘅阿根廷刚作客以1比0击败劲敌乌拉圭，比巴西少1日时间休息，匆匆再战，未必可以恢复十足体力。呢支美洲国家盃盟主最大不利因素系球王美斯有伤，但阿根廷领队史卡朗尼仍然徵召佢入伍，引起PSG管理层不满，史卡朗尼承受球会压力之下，唔会用得美斯太尽，否则佢一旦势伤恶化，对国家队亦系一大损失，所以上场等到最后14分钟先至派美斯上阵，佢今场可能再次担任后备。
阿根廷已经抛离第5位哥伦比亚12分，兼踢少1场，以前4位直接出线机会非常乐观，不会急于求胜，今场不败已经有交代，预料入球偏少。
