祖云达斯今季演出非常飘忽,继欧联作客惨吞车路士4蛋后,返到意甲主场又以0比1不敌阿特兰大,上场对住沙兰力坦拿亦显得老鼠拉龟,真正入肉攻势唔多。自C朗离队后,祖记锋线顿失重心,保罗戴巴拿上场虽然射入1球,但同时亦射失1球12码,仲未重拾最佳状态,加上原本表现大勇嘅翼锋费达历高基艾沙养伤,今仗恐怕炒唔起热拿亚。
热拿亚早前请来乌克兰名宿舒夫真高执教,但表现仍然冇起色,喺「军刀」领军下3场比赛仅得1和2负,最惨系3场都入唔到波,睇嚟呢位殿堂级神锋都教唔掂热拿亚班前锋,今场面对劲旅只能靠死守,希望偷鸡博取1分。事实上热拿亚近3场作客都和波,表现尚算硬净,祖记要入波并唔容易,一于吼入球细。